Церковнославянская АЗБУКА — Православный КОВЧЕГ. Алфавит духовный святителя Димитрия Ростовского

аз		Азъ, Адамля естества сый, тебе, обоего пола, естества Адамля, советую: смиренъ буди. Адамля естества сый, миренъ буди, памятствуя праведнаго осуждения слово реченное: яко земля еси, и въ землю паки пойдеши (Быт. 3, 19).
буки		Бога познавай, благодеяния Его разумей, въ заповедехъ Его ходи, да наследникъ будеши вечныхъ благъ.
веди		Веруй въ Бога, веруй Богу: воздержание всегда во всемъ имей: присно памятствуй смерть, и всехъ вещей изменениие, и ни единымъ чимъ ять будеши въ мире.
глаголь		Греха, от мала даже и до велика блюдися: грехъ твой пред очима всегда имей, яко да усердне на всякъ день прилежиши покаянию.
добро		День от дне къ горе добродетелей восходи, усердие ко усердию непрестанно на всякъ день прилагай, да управиши тебе во вся стези правы.
есть		Есть бо благимъ надежда, и всякому труду и подвигу вечный покой, и веселие, въ грядущемъ веце возмездие.
живете		Жизнь вечную, и грядущая благая присно да поминаеши, яко да къ симъ всегда взимаеттися сердце.
зело		Зело тщаливъ и усерденъ въ твоемъ звании и свойстве буди, яко да не всуе изнуряеши твою жизнь.
земля		Зря тварь чудися, и Творцу твари славословие приноси, не къ твари прилагай твоя чувства, но къ Богу Творцу всехъ сердце и душу возводи.
иже		Иже о благомъ имать усердие, дастся ему: а иже не иметь, и еже мнится имеяй, возмется от него.
и		Истину люби, всякия лжи блюдися, да убежиши Пророческаго речения: погубиши всякаго глаголющаго лжу (Пс. 5).
како		Къ Богу всегда умъ твой, и душу непрестанно возводи, и никогдаже Его от сердца и памяти твоей испускай, яко да всегда съ Нимъ соединенъ будеши.
люди		Любити Бога от всего сердца твоего , и от всея крепости твоея потщися: яко да известенъ спасения твоего будеши, и всякаго пристрастия земнаго свободишися.
мыслете		Молитве непрестанно прилежи: то бо есть некрадомое сокровище, еюже удобь яко лествицею, къ Богу взыдеши.
наш		Не прилагай сердца твоего къ земнымъ, да не яко соль обуяеши, и весь непотребенъ явишися: но къ Богу единому сердце и душу твою пригвожденну имей, да неподвижим въ любви Его пребудеши.
он		Онъ бо есть единъ Господь, источникъ всехъ благъ, и вечныя жизни податель.
о		Отеческаго духовнаго наказания не преобижай, да не въ стезяхъ твоихъ преткнешися.
покой		Памятствуй о Господе выну, въ сердце и во устехъ твоихъ да пребываетъ имя Его всегда. Покаянию присно прилежи, и на всякъ день тепле слезами омывай душу твою, да убелишися паче снега, и не посрамленъ лицемъ пред Господемъ явишися.
рцы		Руце твои къ Богу наичастее въ молитве воздевай усердне, оттуду помощи всегда взыскуя, да победиши мысленнаго амалика, сиречь, диавола.
слово		Смерть памятствуя, скупости и стеснения блюдися, да не невериемъ и скупостию ятъ бывши во время исхода, милосердия Божия двери себе затвориши.
твердо		Тихъ, безтщеславенъ, и кротокъ ко всемъ бывай, яко да истиненъ Христовъ подражатель и ученикъ без порока явишися.
у	у	Усерденъ и теплъ къ Богу присно буди, да причастникъ будеши вечныя жизни.
ук		Уныния и лености зело хранися, аще хощеши вскоре снискати вечное сокровище.
ферт		Фараона мысленнаго въ воде слезной потопити тщися, да не всегда ратуя гонитъ тя.
хер		Христа единаго взыскуй, да съ Нимъ пребудеши во веки: взыскующии бо Его обрящутъ велию милость, и не лишатся всякаго блага.
от		Отца и матерь, други и сродники, и Бога быти себе знай: Онъ бо есть жизни начало, и конецъ всемъ безконечный.
цы		Цель твоя и пристанище Господь единъ да будетъ, надежда же и упование, пресвятая Его любовь.
червь		Чистоту и целомудрие истинно возлюби, да прилепишися чистъ чистому: и часъ от часа покаяния не отлагай, да не погубиши время исправления всуе во время часа.
ша		Шестокрилни добродетели, водружени въ души твоей всегда да будутъ: сиречь, усердие, друголюбие, терпение, образъ благъ, разсуждение и любовь, имиже удобь на небо возвысишися.
ща		Щедръ и милостивъ ко всемъ буди, да милостива и благоутробна Господа, въ день страшнаго суда душе твоей обрящеши. Едино се въ памяти своей имей выну, да Богу единому всегда угождаеши, и къ Нему любовию присно да восходи.
юзы		Юностное похотное плотское безумие от себе отметай: премудрости же духовныя о Бозе всегда поучайся всеусердне.
я		Ярости, гнева и злословия зело блюдися, да не помрачиттися сердечное око.
я
пси		Псалмы и песньми Бога безпрестанно славослови, да присно сие имаше себе во утешение.
фита		Фарисейскаго тщеславнаго лицемерия зело блюдися, да не восплащение твоихъ благъ себе тщеславиемъ зде восприимеши.
ижица		Алфавит духовный святителя Димитрия Ростовского
		Блажени творящей заповеди Его, да будет область имъ на древо животное, и враты внидутъ въ градъ. Вне же псы и чародеи, и любодеи, и убийца, и идолослужители, и всякъ любяй и творяй лжу. (Откр.22:14-15)